Nachtschattegwächs

zur Information

gstorbe si mir nid
nume ADAKTA gleit
üs zwöi Nachtschattegwächser
tuet das schampar leid
doch im Momänt chöi mir
nüm Fasnacht mache
es macht üs ds Gränne
u nid öppe ds Lache
wei euch eifach informiere
damit dir üs füre Momänt
tüet storniere
si zur Zyt haut no am sueche
wo mir e passende Oergeler
chöi bueche
mir hoffe drum
es göng nid z'lang
und ds Nachtschattegwächs
louft wieder dr
Aare entlang

mit Konfettitränli
eues Nachtschattegwächs
Colette und Charlie

Schnitzelbänke 2004

Eingang

He, hei es isch Fasnacht
Was isch aus passiert, eh was isch passiert
Was isch aus passiert, eh was isch passiert

Mir singe
He, hei es isch Fasnacht

E chli lose, e chli si
s'Nachtschattegwächs isch ou derbi :II

He, hei es isch Fasnacht
Was isch aus passiert, eh was isch passiert
Was isch aus passiert, eh was isch passiert

Mir singe
He, hei es isch Fasnacht

1. s'Phantom

Mir hei ghört mir sige schöni
Das üsi Bänkli ou schön töni
Mit offne Arme üs empfange
Und niemer het dr Chopf lo hange
Doch, oh Schreck s'chunnt eine z'hängle
Seit, me tüeng ganz starch bemängle
Dass mir keini Maske träge
Dass sig doch würcklich nid zum säge!

Jetz stöh mir wieder do
So wie mir si
Hei das nid tragisch gno
Mir bliebe wie mir si
Doch do mir Verständnis hei für Tradition
Maske uf, die Maske die noch keiner sah
Lege mir jetz a

Mir chöi ou mit Maske singe
Nüt cha üs zur Rueh usbringe
Drum Maske uf
Die Maske wo dir gärn weit ha
Hei mir jetz a - ja, ja

2. Zäme si

Charlie, bisch derbi, wei mir's zäme mache
Jo, wieso de nid, aber luschtvoll müesst mes mache
Jetz fählt no dr Bützu: Ig bi derbi bi dene Sache
Wuau, dass isch de guet, de hei mir zäme öppis z'lache
Ne-nei, mir mache keini Orgie, s'geit ou nid um Sex - nume chli
Mir chöi ou so ne Blödsinn verzeue
Wie die Stars und Berüehmte, ir Biographie

Ob läbig oder tod mit was bisch derbi
Mit dr Biographie, Biographie
Was verbindet dr Bohlen mit dr Lady Di
E Biographie, Biographie

Mir finanziere sie, mir finanziere sie
Ou dr Boris Becker het nid chönne ohni si
ohni Biographie, Biographie

Wo stöh die geile Gschichte wo Top Secret si
Ire Biographie, Biographie
Ou mir hei Gschichte wo so sötte gschriebe si
Ire Biographie, Biographie

Und dir finanzieret sie, dir finanzieret sie
Drum weisch was mir wie ha so lang mir läbig si
E Biographie, Biographie

3. s'Brüggli

Hallo, heit dir mis Brüggli gseh
Hallo, gseh's leider niene meh
Hallo, sie wär so schön gsi
Hätt üs berüehmt gmacht, es Wahrzeiche meh

Hallo, heit dir mis Brüggli gseh
Hallo, gseh's leider niene meh
Key West, wär eso schön gsi
Doch d'Leporello, die muess jetz dört hi

Über schöni Brügge cha me go
Bir Tower Bridge tuesch du sicher bliebe stoh
z'Californie hei si Golden Gate
doch z'Solethurn im Weschte isch sie is Wasser keit

4. Blochernator

Jetz het ärs äntlich gschafft, ganz ohni Muskelchraft
Isch zwar kei Couvernator, doch üse Schwyzer-Terminator
Hei Gmeinsamkeite gfunde, Millione hei si beidi
Mou luege wie sie schaffe, süsch heisst's de…
- Hasta la vista, Baby-

Är isch dr Champion vor Nation,
Är isch dr Champion uf em Thron
SVP am gröschte, diesi muess me tröschte
Si gspannt was sie mache, us wichtige Sache,

Är isch dr Champ ir Politik
E Blocher blockt üs blochend dür Schwyz
SVP am gröschte, dr Blocher sitzt am höchschte
Si gspannt was sie mache, oder tüe mir lache - i vier Johr

5. Casting

One, two, three, ole, ole, ole I am a star, I am a star I wär doch d'Sexbomb, d'Sexbomb
Wirde Superstar, e superstar, superstar und was i weiss
das isch sunneklar uh, cha nig no mou afo dr Juri und de Manne
Four, fife, six, nur ei Name gits weiss nüm witer… würdis ganz, ganz heiss
Jedi Wett, dass dä heisst… i wär doch d'Sexbomb, d'Sexbomb
- Colette - und es isch klar
i wär dr gebornig - Superstar-

Machet aui mit
derbi si isch e Hit
s'chönntes aui si
ou du bisch derbi

mir si aui Superstars :II

mir finges ou nid schlau
doch hüt isch das normal
probierets aui us
ou du hesch dr Pfuus

mir si aui Superstars :III
dir sit üsi Stars

6. Fasnacht uf Sparflamme?

Läbensmittel, Chrankekasse, Poscht
Jo aus wird türer, jo aus wird türer
Wo näh das Gäld, mir si ganz und gar in Not
Denn aus wird türer, jo aus wird türer

Die Riche wärde richer, überall wird fusioniert
Die Arme wärde ärmer, macht doch nüt wenn's nur räntiert
Üse Mittelstand geit flöte, we das so witergoht, bi Gott
De prophezeie mir isch d'Schwiz i drü bis vierne Johr bankrott

D'Fasnacht, Beize, s'Puff und Zigarette
Jo aus wird türer, jo aus wird türer
Wei doch eifach nid uf aus verzichte
Es isch aus türer, es isch aus türer

I so mne Fall isch spare klar gegä
chöi nüm a d'Fasnacht, chöi nüm a d'Fasnacht
Doch euch und üs isch dä Verzicht nid gä
Denn üsi Fasnacht, löh mir üs nid lo näh
Jo üsi Fasnacht
Löh mir üs nid lo näh